Æнæнæиздзинады æппæт дунейы боны кадæн Дзæуджыхъæуы металлургты галуаны уыд наркотикты ныхмæ акци. Арæзт æрцыд Цæгат Ирыстоны республикон æхсæнадон хæрзаудæн Фонд «Спасательный круг»-ы хъæппæрисæй. Æрбахуыдтой йæм горæты хистæркъласонты æмæ студентты, парламенты депутатты, æхсæнады æмæ дины минæвæртты. Фонды сæрдар Дзгойты Геннадий фæсидт фæсивæдмæ, цæмæй зианхæссæг хъылмайæ сæхи хъахъхъæной, цы фæстиуджытæм расайы, уый тыххæй сын равдыста видеоæрмæг. Æнæниздзинад та у бæллицмæ фæндаг, уымæн дæнцæгæн æрхастой республикæйы зындгонд адæмы. Равдыстой æрмæг, Ирыстоны кад йе спортивон æнтыстдзинæдтæй дæрдтыл чи айхъуысын кодта, уыцы адæмы. Парламенты сæрдары фыццаг хæдивæг Къесаты Станислав куыд загъта, афтæмæй се `хсæн наркоман не ссардзынæ. Акцийы рæстæг сценæмæ рацыдысты республикæйы зындгонд артисттæ æмæ сфæлдыстадон къордтæ.

https://youtu.be/CvI4UO-T76Y