Официальный сайт Северо-Осетинского Республиканского Благотворительного Фонда "СПАСАТЕЛЬНЫЙ КРУГ"

7-æм профтехучилищæйы акци девизимæ «Наркотиктæн зæгъæм нæ»

«Наркотиктæн зæгъæм нæ» – ахæм девизимæ 7-æм профтехучилищæйы уыд акци. Мадзалы архайдтой алы курсыты студенттæ, хæрзаудæн фонд «Спасательный круг», республикæйы наркотикты зилдухы управленийы минæвæрттæ, Муфти Гуæцæлты Хаджи-Мурат, Ильийнаг аргъуаны Протеирей фыд Василий. Фонд «Спасательный круг»-ы кусджытæ радзырдтой наркоманийы фæстиуджыты тыххæй. Училищайы театралон студи «Ныфс»-ы архайджытæ та, равдыстой спектакль «Последний шанс». Уым радзырдтой иу æрыгон адæймаджы æвирхъау истори. Уый ссардта хъару уыцы уæззау низыл фæуæлахиз уæвынæн. Сценæйы спектакль сæвæрдта Къуымæриттаты Маринæ, йæ сæйраг нысан уыд фæсивæдмæ фæхæццæ кæнын, наркомани куыд фæбæрæг вæййы адæймаджы уыдыхъæдыл.